दिपक चौरसिया
बिरगंज ११ मंसिर । बारा जिल्ला क्षेत्र नम्बर – ४ बाट पाँच दलीय गठबन्धनको तर्फबाट निर्वाचितहरुलाई सम्मानीत गरिएको छ । बारा क्षेत्र नम्बर ४ मा निर्वाचनबाट निर्वाचित प्रतिनिधि सभा सदस्यमा कृष्ण कुमार श्रेष्ठ( किसान ) तथा प्रदेशसभा सदस्य जितेन्द्र सोनाललाई १ सय ५१ किलोको माला लगाएर सम्मानित गरिएको हो ।
पाँच दलीय गठबन्धनको तर्फबाट बारा क्षेत्र नम्बर ४ मा निर्वाचित नेकपा एकीकृत समाजबादी (एस) का प्रतिनिधीसभा सदस्य श्रेष्ठ र लोकतान्त्रिक समाजवादी पार्टी (लोसपा) का प्रदेशसभा सदस्य सोनार (सोनल) लाई आज एक कार्यक्रमको आयोजना गरि स्थानीयहरुले १ सय ५१ किलोको माला लगाई दिएर खुशी मनाएका हुन ।
नवनिर्वाचित प्रतिनिधि सभा सदस्य श्रेष्ठ र मधेस प्रदेश सदस्य सोनालले मतदाताहरुलाई धन्यवाद दिनुको साथै अब मतदाताको हकहितका लागि आफुहरु काम गर्ने बताएका छन । दुवै नेतालाई विश्रामपुर गाँउपालिका वडा नम्बर ४ को बलिरामपुरमा स्थानीयहरुले १ सय ५१ किलोको माला लगाएर स्वागत गरेको मधेस प्रदेश सदस्य सोनलका स्वकीय सचिव रमेश सर्राफले जानकारी दिनुभएको छ।
मङ्सिर ४ मा भएको निर्वाचनमा गठबन्धनबाट नेकपा एकीकृत समाजबादी एसका उम्मेदवार श्रेष्ठ, बारा क्षेत्र नम्बर ४ बाट प्रतिनिधिसभा सदस्यमा र लोसपाका उम्मेदवार सोनल बारा क्षेत्र नम्बर ४(ख) बाट प्रदेशसभा सदस्यामा निर्वाचित भएका छन् । नवनिर्वाचित दुबै जनाले अबको समय भनेको जनताहरु जागरप भई सकेकोले अब यो निर्वाचन बाट आफुहरुले राम्रो पाठ सिकेको नवनिर्वाचित प्रदेश सदस्य सोनालको भनाइ रहेको छ।
