वडा प्रहरी कार्यालय श्रीपुरले लागू औषध ईन्जेक्सन सहित एक जना पक्राउ
पर्सा १२ बैशाख । वडा प्रहरी कार्यालय श्रीपुरले लागू औषध ईन्जेक्सन सहित एक जनालाई पक्राउ गरेको छ । बिशेष सुचनाको आधारमा वडा प्रहरी कार्यालय श्रीपुरका प्रहरी निरीक्षक आशुतोष बहादुर शाहीको कमान्डमा गएको टोलिले लागू औषध ईन्जेक्सन सहित एक जनालाई नियन्त्रणमा लिएको छ ।
वीरगञ्ज महानगरपालिका वडा नम्बर १२ बाईपास रोडस्थित हरियाली रेस्टुरेन्ट अगाडीबाट प्रतिबन्धित लागुऔषध बरामद गरेको हो ।
विशेष सूचनाको आधारमा प्रहरी निरीक्षक शाही नेतृत्वको टोलीले वीरगञ्ज महानगरपालिका वडा नम्बर १६ ईनर्वा निवासी २५ वर्षीय बब्लु पाठकको साथबाट ठूलो मात्रामा लागुऔषध बरामद गरेको हो । ना १ ज २०३७ नम्बरको टाटा सुमो गाडीमा चेकजाँच गर्दा कालो रंगको सेता धर्का भएको झोलाभित्र पोलिथिनमा टेपले बेरेको अवस्थामा १४ वटा पोका फेला परेको हो ।
जिल्ला प्रहरी कार्यालय पर्साका प्रवक्ता प्रहरी नायब उपरीक्षक दिपक गिरीकाअनुसार गाडीबाट २ एमएलको नुर्फिन १४ सय एम्पुल, डाइजेपाम १४ सय एम्पुल, प्रोमेथा जीन हाइड्रोक्लोराइड इन्जेक्सन १४ सय एम्पुल बरामद गरिएको हो ।
पक्राउ परेका बब्लुविरुद्ध लागुऔषध सम्बन्धी कसूरमा आवश्यक अनुसन्धान भइरहेको प्रहरी नायब उपरीक्षक गिरीले बताए ।
