बिरगंज २ मंसिर । सशस्त्र प्रहरी बल सिरहाले मिर्चैयाबाट हतियार सहित २ जनालाई पक्राउ गरेको छ । बिशेष सुचनाको आधारमा सशस्त्र प्रहरी बल सिरहाका गणपति सशस्त्र प्रहरी उपरीक्षक रमेश कुमार थापाको टोलिले मिर्चैया न.पा. ६ मिर्चैया कटारी सडक खण्डको होलिडे होटल अगाडि चेकजाँच गर्ने क्रममा हतियार बरामद गरिएको हो ।
सशस्त्र प्रहरीले दक्षिणबाट उत्तरतर्फ जादै गरेको नम्वर मेटिएको च्यासिस नं.ME 4JC731GG8050431 भएको होन्डा साईन मोटरसाईकलमा सवार सिरहा जिल्ला नवराजपुर गा.पा. ५ बस्ने देवन ठाकुर शर्माको २९ वर्षीय छोरा प्रेम शर्मा र त्यही गा.पा. ३ बस्ने राम चरित्र मोचिको २७ वर्षीय छोरा आनन्द कुमार रामलाई शंङ्काको आधारमा चेकजाँच गर्दा निज ब्याक्तिहरुको साथबाट १ थान रिभल्वर पेस्तोल फेला परेको थियो ।
ह्तियार सहित पक्राउ गरिएको दुवैजनालाई थप आवश्यक कारवाहीको लागि ईलाका प्रहरी कार्यालय मिर्चैयालाई बुझाईएका हो । निर्वाचन लक्षित सशस्त्र प्रहरीले सिरहाको सुरक्षा व्यवस्था थप मजबुत पारेका छन् । निर्वाचन को समस्यमा अवेध चोरी पैठारी ,तस्करी नियन्त्रणका लागि विशेष टोलि खटाएको र सिमानाकालाइ झन कडाइ गर्ने सशस्त्र प्रहरी उपरीक्षक रमेश कुमार थापा बताए ।
