जसपा पर्साको ४ वटै क्षेत्रका इन्चार्ज चयन

वीरगञ्ज ।वीरगञ्ज पर्सा जिल्लामा जनता समाजवादी पार्टी पर्साले जिल्लाको ४ वटै प्रतिनिधिसभा क्षेत्रको इन्चार्ज चयन गरेको छ ।

पार्टीको मंगलबार बसेको बैठकले ४ वटै प्रतिनिधिसभा क्षेत्रको समन्वय समितिका इन्चार्ज चयन गरेको हो । क्षेत्र नं. १ मा निजरन्जन साह सोनार (अजय सर्राफ), २ मा बैजुलाल स्वर्णकार, ३ मा महन्थ प्रसाद यादव र ४ मा जंगबहादुर प्रसाद थारुलाई इन्चार्जको जिम्मेवारी दिएको पार्टीका जिल्ला सचिव उमेशलाल सहनीले जानकारी दिनुभयो ।

पार्टीले चारै जनालाई सर्बसम्मत इन्चार्जको जिम्मेवारी दिइएको सहनीले बताउनु भयो ।