बिरगंज २५ मंसिर । पर्साको ग्रामीण भेगमा विद्युत चोरी गर्ने ६ जनालाइ पक्राउ गरेको छन । पर्साको विभिन्न् गाँउबाट नेपाल विद्युत प्राधिकरणको टोलीले विद्युत चोरी गर्दै गर्दा ६ जनालाइ पक्राउ गरेको छन ।
शनिबार राती विद्युत प्राधिकरण पोखरिया वितरण केन्द्रको चुहावट नियन्त्रण टोली र नेपाल प्रहरी र सशस्त्र प्रहरीका साथमा खटिएको टोलिहरुले शनिबार राति विभिन्न गाँउबाट ६ जनालाइ पक्राउ गरेको हो ।
विद्युत चोरी गर्ने र पक्राउ पर्नेहरुमा पकाहामैनपुर गाउँपालिकाको कटिबलुवाका कृष्ण दास र मन्तुराम साह, जगरनाथपुर गाउँपालिकाको झखरा टोलका ब्रहदेव यादव,रामनारायण प्रसाद यादव र डेकन यादव तथा पटेर्वासुगौली गाउँपालिकाको निचुटाका राजवंशी मुखिया विन रहेका छन् ।
पक्राउ परेकाहरुलाई इलाका प्रहरी कार्यालय पोखरीयाको जिम्मा लगाएर कारबाही प्रकृया अगाडि बढाइएको विद्युत प्राधिकरण पोखरिया वितरण केन्द्रका प्रमुख जगन्नाथ झाले जानकारी दिए ।
